Fizika-matematika fakultetida Janubiy Koreyaliklar bilan seminar bo’lib o’tdi

Kiritdi: Admin | O'zgartirigan sana : 2018-07-11



9-iyul kuni Urganch davlat universiteti Fizika-matematika fakultetida Janubiy Koreyaning Sungkyunkwan universitetidan tashrif buyurgan 2 nafar professor va 7 nafar talabalardan iborat ko’ngillilar delegatsiyasi bilan seminar bo’lib o’tdi. Delegatsiya Janubiy koreyaning Milliy axborot agentligi (NIA) va TATU o’rtasida imzolangan memorandum asosida “AKT sohasida dasturiy ta`minotlar” mavzusida o’quv-trening o’tkazish uchun 1-iyul kuni Urganch shahriga yetib kelishgan edi.
UrDU Fizika-matematika fakulteti dekani J. Xujamov va Axborot texnologiyalari kafedrasi mudiri H. Madatovlar tashabbusi va boshchiligida tashkil qilingan seminar fakultet dekani, Axborot texnologiyalari kafedrasi mudiri, kafedra o’qituvchi-professorlari hamda fakultet talabalari ishtirolida bo’lib o’tdi. Tashrifning asosiy maqsadi bo’lgan “AKT sohasida dasturiy ta`minotlar” mavzusidagi treningdan tashqari Janubiy Korea madaniyati va O’zbekiston bilan madaniy-ma`rifiy aloqalar to’g’risida suhbat bo’lib o’tdi. Unda mehmon universitetdan kelgan delegatsiya professorlari – Bona Song va Song Kyo Songlar so’zga chiqishdi, keyin delegatsiya a`zosi – Heo Yunbeomning ma`ruzasi tinglandi. Talabalar hamda yosh o’qituvchilarni qiziqtirgan savollarga javoblar olindi.