Har qanday elektron murojatni virtual qabulxona orqali amalga oshirishingiz mumkin

Qabul komissiyasi

Qabul monitoringi 2018

UrDU Qabul komissiyasi elektron pochta manzili urdu_qabul@umail.uz

Kontrakt to'lovlari miqdori

olimp science

Qo'ng'iroqlar markazi:
(0362)224-6605, (0362)224-66-09, (0362)224-66-17, (0362)224-66-18, (0362)224-66-47, (0362)224-03-62

Davlat ramzlari

Messenger

Qabul komissiyasi joylashgan o'rni

Xorijiy abiturientlar uchun hujjatlarni online taqdim qilish manzili: ursubox@gmail.com

Filologiya

  • Dekan:Jumaniyozov Zoxid Otaboevich
  • Telefoni: +99842301002
  • Email: sahid03@mail.ru

Filologiya fakulteti 2015 yil 28 avgustda sobiq Jahon tillari (2010 yilgacha), Chet tillari (2015 gacha) va Filologiya va san’at (2015 gacha) fakultetlari bazasida tashkil qilingan. Fakultetda bugungi kunda 130 dan ortiq professor-o’qituvchi faoliyat ko’rsatayapti, 1424 nafar talaba tahsil olayapti.




Fakultet qoshida
• Ingliz tili va adabiyoti
• O’zbek tili va adabiyoti
• Rus tili va adabiyoti
• Nemis va fransuz tillari
• O’zbek tilshunosligi
• Fakultetlararo chet tillari
kafedralari mavjud bo’lib, ularda 6 ta ta’lim yo’nalishi bo’yicha, ya’ni,
5120100- Filologiya va tillarni o’qitish: o’zbek tili
5120100- Filologiya va tillarni o’qitish: ingliz tili
5120100- Filologiya va tillarni o’qitish: nemis tili
5120100- Filologiya va tillarni o’qitish: fransuz tili
5111400- Xorijiy til va adabiyoti: ingliz tili
5111300- Ona tili va adabiyoti (rus tili va adabiyoti o’zga tilli guruhlarda);
3 ta mutaxassislik bo’yicha
5A120102- Lingvistika: o’zbek tili
5A120102- Lingvistika: ingliz tili
5A120102- Lingvistika: rus tillari bo’yicha bakalavr va magistrlar tayyorlanmoqda. Fakultetning ilmiy salohiyati bugungi kunda 23 % ni tashkil qiladi.
10.00.01 - O’zbek tili. O’zbek adabiyoti, 10.00.06 - Qiyosiy adabiyotshunoslik, chog’ishtirma tilshunoslik va tarjimashunoslik ixtsisosliklari bo’yicha doktorantura (PhD) faoliyat olib bormoqda.


Xalqaro hamkorlik va chet ellar bilan ilmiy aloqalar bo’yicha ancha ishlar amalga oshirilgan. Jumladan, AQSH, Angliya, Germaniya, Frantsiya, Koreya, Eron elchixonalari, Britaniya kengashi, Koyka, V.Gyugo nomidagi madaniyat markazi, Norvich universiteti, Maks Plank instituti, Maynz universiteti, DAAD, Konrad Adenauer jamg’armasi, Gyote instituti, Galle universiteti, Erasmus Mundus tashkiloti, Hindiston elchixonasi va boshqa tashkilotlar bilan o’zaro ilmiy-pedagogik hamkorliklar mavjud. 2009 yildan bugungi kunga qadar ingliz tili kafedrasi o’qituvchisi Masharipova Feruza rahbarligida Amerikaning Access Microprojekt dasturi bo’yicha maktab o’quvchilari, akademik litsey va kasb-hunar kollejlari talabalari uchun UrDU tomonidan pedagogik yordam ko’rsatish uchun 55 ming AQSH dollar miqdorida grant yutib olindi. Xorijlik volontyorlar dunyodagi nufuzli universitetlar bilan imzolangan hamkorlik memorandumlari natijasida fakultetimizga AQSHlik volontyorlar Andryu Xovard, Rebecca Martin, Piter Barsumlar ingliz tili ta’lim yo’nalishi talabalariga ingliz tili, Koreyalik volontyor Jo Juxeon, Che Xyon Rak koreys tili, Germaniyalik Yurgen Asmus nemis tili fanidan mashg’ulotlar olib bordilar va shu tufayli mashg’ulotlarning yanada sifatli va samarali bo’lishiga erishildi. 2015-2016 o’quv yilida ikki nafar, 2016-2017 o’quv ylida bir nafar, 2017-2018 o’quv yilidan boshlab yangi ikki nafar volontyor ishga jalb qilindi.
Shu jumladan, 2012-2014 yillarda Germaniyada fermerlarning va qishloq xo’jaligi bo’yicha ixtisoslikka ega kollejlarning boshlang’ich hamda professional bilimlarini oshirishga qaratilgan ikki jildlik “Landwirt” kitobini o’zbek tiliga o’girish ishlari oxiriga yetkazildi. Mazkur 1200 saxifadan iborat darsliklarni moliyalashtirishni Germaniyaning Weihen Stefan universiteti hamda Folkswagen fondi o’z zimmasiga olgan. Maqsad¬¬ qishloq xo’jaligi bo’yicha ixtisosliklariga ega bo’lgan kasb-hunar kollejlarini zamonaviy darslik bilan tahminlashdan iboratdir. Ushbu darslikning dastlabki to’liq bo’lmagan nusxalari 2011, 2012 yillarda 1 martadan, 2013 yilda esa xar ikkala jild ham to’liq xolatda 2 marta respublika innovatsion loyihalar yarmarkalarida muvaffaqiyatli qatnashgan.
Fakultet professor-o’qituvchilari Amerika, Angliya, Germaniya, Frantsiya, Belgiya, Hindiston, Xitoy, Koreya, Malayziya kabi rivojlangan davlatlarning nufuzli oliygohlarida o’z malakalarini oshirib qaytdilar.
So’ngi 10 yilda fakultet professor-o’qituvchilari tomonidan 1000 dan ortiq ilmiy-uslubiy maqolalar xorij, respublika va OTMda, 100 dan ortiq o’quv va o’quv-uslubiy qo’llanmalar nashr qilindi.
Fakultet professor-o’qituvchilari va talabalari 2014 yilning 28-30 noyabr kunlari Halqaro orol muammolariga bag’ishlangan anjumanda, 2014 yil 21 dekabrda parlament saylovi, 2015 yil 29 mart O’zbekiston Respublikasi prezidenti saylovi, 2015 yil iyun oyida Jahon banki vakillari bilan uchrashuvlar, 2016 yil 4 dekabr O’zbekiston Respublikasi prezidenti saylovi, 2017 yil 9 sentyabrda «Halqaro raqs sehri an’anaviy festivali» va shu kabi bir qancha halqaro ahamiyatga ega tadbirlarda ko’ngilli tarjimon sifatida qatnashdilar.
2015-2016 o’quv yilida S.Umarova, 2016-2017 o’quv yilida D.Atamuratov, 2017-2018 o’quv yilida N.Polvonovalar Alisher Navoiy nomidagi davlat stipendiyasi sovrindori bo’ldilar. 2015-2016-o’quv yilida frantsuz tili ta’lim yo’nalishi talabasi G.Atasheva Frantsuz tili va adabiyoti fanidan Respublika fan olimpiadasida 1-o’rinni, 2016-2017 o’quv yilida aynan shu talaba respublika fan olimpiadasida mazkur fan bo’yicha 2-o’rinni, nemis tili ta’lim yo’nalishi talabasi K.Abdullayeva nemis tili va adabiyoti fani bo’yicha 2016-2017-o’quv yilida Respublika fan olimpiadasida 3-o’rinni egalladi.
Sh.Rajabboyeva 2015-2016-o’quv ylida notiqlik san’ati tanlovida 3-o’rinni, I.Ismailova 2016-2017 o’quv yilida mazkur tanlovda fahrli birinchi o’rinni egalladi.
2017-2018-o’quv yilidan boshlab fakultetlararo chet tillar kafedrasi o’qituvchilari N.Ro’zmetova, I.Timurbulatovalar Koreyaning nufuzli oliygohlarida doktoranturada tahsil olishni boshladilar.
Fakultet tuzilmasi:
O’quv ishlari bo’yicha dekan muovinlari dots. O.Cho’ponov, dots. v.b.R.Xudoyberganov, katta o’qit. G.Saparbayeva
Ma’naviy-ma’rifiy ishlar bo’yicha dekan muovini S.Matkarimov, U.Qutlimuratov
Ilmiy ishlar bo’yicha dekan muovini, O.Cho’ponov
Nemis va frantsuz tillari kafedrasi mudiri katta o’qituvchi G.Abdullayeva
Ingliz tili va adabiyoti kafedrasi mudiri, katta o’qituvchi G.Rahimova
Fakultetlararo chet tillar kafedrasi mudiri dots.J.Ermetova
Rus tili va adabiyoti kafedrasi mudiri dots. X.Ro’zimboev
O’zbek tili va adabiyoti kafedrasi mudiri dots. D.G’oyipov
O’zbek tilshunosligi kafedrasi mudiri dots. S.Ro’zimboyev