Har qanday elektron murojat virtual qabulxona orqali amalga oshirishigiz mumkin

Davlat ramzlari

Fizika matematika

  • Dekan:Ho'jamov Jumanazar Urazmetovich
  • Telefoni: +998919164471
  • Email: fiz_dekan@urdu.uz

Fizika matematika fakulteti haqida



Fizika-matematika fakulteti dastlab 1935-1936 o‘quv yilida Xorazm o‘qituvchilar tayyorlash institutining bo‘limi sifatida o‘z faoliyatini boshlab, unda 12 talaba taxsil olgan. Bu davrda birinchilar qatorida O. Yovbosarov, A. Karimov, N. Mavayev, M.Abdiyev va boshqa o‘qituvchilar pedagogic faoliyat olib borganlar. 1936 yilda Leningrad shahridan fizika mutaxassisligi bo‘yicha dosent P. Burov institutga ishga taklif qilindi. U fakultetda “fizika-matematika” kafedrasini ochib, zamonaviy talabga javob beradigan “fizika laboratoriyasi” ni tashkil qildi va kafedra mudiri lavozimida ishlay boshladi.
1941-1942 yillarda fizika-matematika bo‘limi fakultet sifatida shakllandi. Bu o‘quv yilida fakultetga Leningrad politexnika instituti “Fizika” kafedrasi mudiri E. Shtraus ishga keldi. U “fizika-matematika” kafedrasi mudiri va fakultet dekani qilib tayinlandi.
1957 yildan boshlab fizika-matematika fakultetida fizika, matematika, pedagogika va boshlang‘ich ta’lim ixtisosliklari bo‘yicha mutahassislar tayyorlana boshlanadi. 1962-1963 o‘quv yilidan boshlab yetuk, malakali o‘qituvchilarning yetishmasligi tufayli fizika-matematika fakultetiga talabalar qabul qilish to‘xtatildi. 1966 yilda fakultetga O‘zFA mexanika institutidan f-m.f.n., dosent M.Nazariy ishga taklif etildi va shu yildan boshlab yana fakultetga talabalar qabul qilish boshlandi. O‘sha yillari fakultetda 4 ta mutaxassislik matematika, fizika, pedagogika va boshlang‘ich ta’lim hamda biologiya bo‘yicha kadrlar tayyorlandi.
1972-1979 yillarda fakultetga M. Nazariy yetakchilik qilgan bo‘lsa, 1979 yildan boshlab, D. Jumaniyozov dekan bo‘lib ishladi. Fakultetda “algebra va matematika o‘qitish metodikasi” hamda “matematika” kafedralari tashkil etildi.
1988 yildan esa fakultet tarkibida 3 ta kafedra ishlay boshladi. Unda asosan matematik-informatika, matematika-fizika mutaxassisliklari bo‘yicha o‘qituvchi kadrlar tayyorlandi. 1991-1994 yillarda fizika-matematika fakulteti dekani lavozimida f.-m.f.n, dosent E. Qo‘shchonov ishladi.
1992 yilda Xorazm Davlat pedagogika institute Urganch Davlat universitetiga aylantirilishi munosabati bilan fizika-matematika fakulteti tarkibiy tuzilishida o‘zgarishlar ro‘yberdi: avvalo fakultet kafedralari markaziy shaharlardan taklif qilingan yetuk mutaxassis kadrlar bilan boyitildi. Fakultetda yangi ilmiy pedogogik yo‘nalishda faoliyat ko‘rsatuvchi “Funksiyalar nazariyasi”, “Informatikava HT”, “Fizika” kafedralari, “Algebra va geometriya” kafedrasi asosida yangi “Amaliy matematika” kafedrasi faoliyat ko‘rsataboshladi.
1994-1996 yillarda fakultetga f.-m.f.d. A.B.Hasanov, 1996-1999 yillarda f.-m.f.n, dotsent O.I.Asqarov, 1999-2009 yillarda f.-m.f.d., professor A.B. Hasanov, 2009-2015 yillarda f.-m.f.n., dotsent B.I.Abdullayevlar rahbarlik qilib, fakultetda o‘quv-tarbiyaviy, ilmiy va ilmiy metodik ishlarning yuqori saviyada tashkil etilishiga, professor-o‘qituvchilar ilmiy salohiyatini oshishiga katta hissa qo‘shdilar.
2015 yildan boshlabFizika-matematika fakulteti dekani lavozimida f.-m.f.n., dotsent J. Xujamov ishlab kelmoqda.








Fizika-matematika fakultetida hozirda 4 ta kafedra faoliyat ko‘rsatmoqda va ularda beshta yo’nalish bo’yicha mutaxassisliklar o’qitiladi:
"Matematika" kafedrasi
5130100 – Matematika
"Amaliy matematika" kafedrasi
5130200 - Amaliy matematika va informatika
5140300 - Mexanika
"Axbotor texnalogiyalari" kafedrasi
5111118 - Kasb ta’limi (informatika va axborot texnologiyalari)
"Fizika" kafedrasi
5140200 – Fizika
Jami bakalavr talabalari soni 661 ta.
Jami magistr talabalari soni 11 ta.
Fakultetda mavjud ilmiy tadqiqot yo’nalishlari:
• Kompleks potentsiallar nazariyasi va dinamik sistemalar
• Shturm-Liuvill operatori uchun sochilish nazariyasining to‘g’ri va teskari masalalari
• Nochiziqli evolyutsion tenglamalarni integrallash
• Biomexanik jarayonlarni matematik modellashtirish
Fundamental loyihalar
• Moslangan manbali nochiziqli evolyutsion tenglamalarni teskari masalalar usulida integrallash
• Yurak biomexanikasi va uning tadbiqlari
• Kompleks potensiallar nazariyasida plyuriregulyarlik xususiyatlari
• α-subgarmonik funksiyalar va α-potensiallar