Turizm va iqtisodiyot

  • Dekan:Abdullayev Ilyos Sultanovich
  • Telefoni: +998975109020
  • Email: ilyos-1970@mail.ru
Fakultet web sayti
TURIZM VA IQTISODIYOT FAKULTETINING TARIXI

Turizm va iqtisodiyot fakulteti Urganch davlat universiteti gumanitar fanlar fakulteti va Toshkent davlat iqtisodiyot universiteti Urganch filialining qo`shilishi natijasida 1995 yil 9 iyulda Iqtisodiyot fakulteti nomi bilan tashkil qilingan. Fakultetga iqtisodiyot fanlari doktori, dotsent Abdullayev Ilyos Sultonovich rahbarlik qilmoqda. Fakultetda 3 ta kafedra faoliyat olib boradi, shu jumladan, “Iqtisodiyot” kafedrasi mudiri, i.f.n., dotsent Ruzmetov Sherzodbek Baxtiyarovich, “Turizm” kafedrasi mudiri, i.f.n., dotsent Xudayberganov Dilshod Tuxtabayevich, “Kasb ta’limi” kafedrasi mudiri, i.f.n., dotsent Gulmanov Maxsud Aminovichlar hisoblanadilar.
Fakultetda 58 nafar professor-o`qituvchilar faoliyat ko`rsatayotgan bo`lib, ularning 4 nafari fan doktori va professor, 12 nafari fan nomzodlari va dotsentlar, 13 nafari katta o`qituvchi va 29 nafari assistent-o`qituvchilardan iborat.



Bugungi kunda fakultetda “Iqtisodiyot (tarmoqlar va sohalar bo`yicha)”, “Kasb ta’limi (Buxgalteriya hisobi va audit)”, “Turizm (faoliyat turlari bo`yicha)” va “Mehmonxona xo`jaligini tashkil etish va boshqarish” ta’lim yo`nalishlari bo`yicha bakalavrlar va “Iqtisodiyot (ijtimoiy soha bo`yicha), “Turizm (xalqaro va ichki turizm)” mutaxassisliklari bo`yicha magistrlar tayyorlanmoqda.
Fakultetda ilmiy-pedagogik kadrlarni tayyorlash bo’yicha bugungi kunda 3 ta ilmiy maktab shakllangan bo`lib, prof.B.Ro`zmetov prof.T.Do`stjanov va i.f.d.I.Abdullayevlar rahbarligida quyidagi yo`nalishlarda ilmiy izlanishlar olib boriladi:
- mintaqani kompleks rivojlantirish va innovatsion iqtisodiyotni shakllantirish; - kompleks sonli ekonometrik model yordamida hudud iqtisodiyotini o’rganish; - xizmat ko`rsatish va servis sohasini rivojlantirishning zamonaviy tendensiyalari; - turizm va mehmonxona biznesini rivojlantirishning ustuvor yo`nalishlari; - mintaqada turistik xizmatlar bozorini rivojlantirishning ustuvor yo`nalishlari; - mintaqada aholi turmush farovonligini oshirish,mehnat bozori va bandlikning nostandart shakllarini rivojlantirish masalalari - kasbiy fanlarni o`qitish samaradorligini oshirish masalalari.
Fakultet professor-o`qituvchilari tomonidan 2017-2018 yil mobaynida 2 ta monografiya, 5 ta o`quv-uslubiy qo`llanma, 15 ta maqola chet ellarning nufuzli jurnallarida, 20 ta maqola respublika jurnallarda, 80 dan ortiq tezislar respublika ilmiy-amaliy anjumanlarida, 16 ta tezislar xalqaro miqyosda o`tkazilgan ilmiy anjumanlarda chop qilindi.
Fakultetda davlat ilmiy-texnika dasturlari doirasida 2 ta amaliy va 1 ta innovatsion loyihalari asosida ilmiy-tadqiqot ishlari olib borilmoqda.
Shuningdek, fakultetda tayanch doktorantlar va mustaqil izlanuvchilar o’qishi tashkil etilgan bo`lib, prof. B.Ro`zmetov, prof.T.Do`stjanov va i.f.d.I.Abdullayevlar rahbarligida 08.00.05-“Xizmat ko`rsatish tarmoqlari iqtisodiyoti”, 08.00.12-“Mintaqaviy iqtisodiyot”, 08.00.15 – “Tadbirkorlik va kichik biznes iqtisodiyoti” ixtisosliklari bo`yicha 7 nafar katta ilmiy xodim izlanuvchilar o`zlarining ilmiy ishlarini olib bormoqdalar.
Fakultet AQSH, Angliya, Germaniya, Ispaniya, Buyuk Britaniya, Chexiya, Rossiya, Polsha, Belgiya, Sloveniya, Italiya, Yaponiya va boshqa davlatlatning nufuzli universitetlari bilan xalqaro aloqalar o`rnatgan. 2 nafar talaba Alisher Navoiy (Z.Abdikarimova) va Islom Karimov (A.Ismailov) nomidagi davlat stipendiyasiga sazovor bo’lishdi. Fakultet kafedralarida menejment, marketing, ekonometrika, ish yuritish, innovatsiya strategiyasi, mehnat iqtisodiyoti, mintaqaviy iqtisodiyot, agrosanoat majmuasi iqtisodiyoti, institutsional iqtisodiyot, turizm: nazariya va amaliyot, xalqaro turizm, restoran menejmenti, servis faoliyati asoslari, ekologik turizm, iqtisodiyot nazariyasi, milliy iqtisodiyot, jahon iqtisodiyoti va XIM, makroiqtisodiy tahlil va prognozlashtirish, statistika, audit, buxgalteriya hisobi nazariyasi, moliya, soliq va soliqqa tortish kabi fanlar o’qitiladi. Fakultetda jami 666 nafar talaba tahsil olmoqda.