Har qanday elektron murojat virtual qabulxona orqali amalga oshirishigiz mumkin

Rektorat

Rektor

Abdullaev Baxrom Ismoilovich

Email:
rektor_urdu@edu.uz
Telefoni:
8-362-224-6700
Qabul qilish kuni: Xar kuni 08:00-10:00
Abdullaev Baxrom Ismailovich 1968 yilda ziyoli oilasida tug’ilgan. 1992 yilda Toshkent Davlat universitetining «Matematika» fakultetini tugatgan. 1992-2006 yillarda Urganch Davlat universitetida o’qituvchi, katta o’qituvchi, dotsent lavozimlarida ishlagan. 1999 yilda 01.01.01 – «Matematik analiz» ixtisosligi bo’yicha nomzodlik dissertatsiyasini himoya qilgan. 2006-2009 yillarda Urganch Davlat universiteti «Boshlang’ich ta’lim nazariyasi va metodikasi» kafedrasi mudiri lavozimida faoliyat ko’rsatgan. 2012 yilda dotsent ilmiy unvoniga sazovor bo’lgan. 2009-2015 yillarda Urganch Davlat universiteti Fizika-matematika fakulteti dekani lavozimida ishlagan. B.I. Abdullaev 2002 va 2009 yillarda Rossiyaning Krasnoyarsk Davlat universitetida, 2011, 2013 va 2014 yillarda AQShning Kaliforniya Davlat universitetida va Nevada Davlat universitetlarida o’tkazilgan xalqaro anjumanlarda o’zining ilmiy ishlari natijalari bo’yicha ma’ruza qilgan. 2015 yil 18 iyundan boshlab Urganch Davlat universiteti rektor lavozimida ishlab kelmoqda.

Assalomu alaykum hurmatli Po'lat Razzoqovich

Hurmatli yig'ilish qatnashchilari

Avvalom bor bugungi kunda uchrashuvni tashkil etganingiz uchun Urganch davlat universiteti jamoasi nomidan minnatdorchilik bildiraman.

Bugungi kunda Urganch davlat universiteti respublikamizdagi oliy ta'lim muassasalari ichida o'z o'rniga va ilmiy saloxiyatiga ega yetakchi universitetlardan hisoblanadi. Jumladan, universitetimizda 43 ta ta'lim yo'nalishi bo'yicha 7579 nafar talaba tahsil olayotgan bo'lsa, 13 ta mutaxassislik bo'yicha 88 nafar magistrant tayyorlanmoqda. Universitetda 8 ta fakultet, 30 ta kafedra faoliyat ko'rsatayotgan bo'lib, ularda 568 nafar professor-o'qituvchi talaba va magistrantlarga ta'lim - tarbiya bermoqda. Universitetda bugungi kunda 16 nafar fan doktori, 129 nafar fan nomzodi, 2 nafar PhD faoliyat ko'rsatib, respublikamizda ilm-fanni rivojlantirishga hissa qo'shmoqdalar. Shuningdek, universitetimizda 33 nafar katta ilmiy xodim-izlanuvchi, 13 nafar mustaqil izlanuvchi ilmiy-tadqiqot ishlarini olib bormoqdalar. Birgina 2016 yilning o'zida universitetimizda 4 ta doktorlik dissertatsiyasi himoya qilindi.

Universitet professor-o'qituvchilari tomonidan davlat fan va texnologiyalarini rivojlantirishni muvofiqlashtirish qo'mitasi tomonidan moliyalashtirilgan umumiy summasi 279,16 mln. so'm bo'lgan 6 ta grant yutib olingan va bu grantlar doirasida ilmiy tadqiqot ishlari olib borilmoqda. Shuningdek, Universitetning xalqaro aloqalarini rivojlantirish va kengaytirish bo'yicha 2016-2020 yillarga mo'ljallangan istiqbolli reja ishlab chiqilgan bo'lib, ushbu reja asosida Yevropa Ittifoqi, AQSh, Yaponiya va Janubiy Koreya kabi rivojlangan davlatlar bilan ilmiy xamkorlik va akademik almashinuv loyihalarini amalga oshirish bo'yicha ishlar olib borilmoqda. Xususan, hozirgi kunda universitetda Janubiy Koreyaning KOICA tashkiloti tomonidan yuborilgan 2 nafar volonter faoliyat ko'rsatmoqda
Jumladan, Erasmus + loyihasining 2017-2019 yillarga mo'ljallangan tanlovi uchun Latviyaning Latviya universiteti, Italiyaning Akila universiteti, Ispaniyaning Las Palmas de Gran Kanariya universiteti, Angliyaning Vestminster universiteti, Avstriyaning Vena universiteti, Shvetsiyaning Qirollik texnologiya universitetlari bilan hamkorlikda oltita loyiha yozildi va tanlovga topshirildi.
Bundan tashqari, HORIZON - 2020 dasturi doirasida Buyuk Britaniya va Daniya universiteti olimlar bilan hamkorlikda yirik ilmiy loyiha taqdim qilindi.

Bu dastur universitetimiz professor-o'qituvchilari, tadqiqotchilari uchun Yevropa universitetlari bilan hamkorlikda ilmiy tadqiqotlar olib borish va moliyalashtirish imkoniyatini beradi. Hozirgi kunda universitetda Yevropa ittifoqining Erasmus + dasturining 3 ta oliy ta'limda salohiyatni oshirish va ikkita xalqaro kredit mobilligi loyihalari faoliyat olib bormoqda. Ushbu loyihalarning umumiy qiymati 3 mln. yevroni tashkil qilib, ushbu loyiha doirasida universitetda 3 ta zamonaviy laboratoriya tashkil etiladi va 3 ta yangi magistratura yo'nalishlari ochiladi. Bundan tashqari, ushbu loyihalar doirasida 50 nafardan ortiq professor-o'qituvchilar, ilmiy xodimlar va talabalar 3 yil mobaynida Yevropa universitetlarida taxsil olib, tajriba almashib qaytadilar.

Kaliforniya davlat universiteti bilan hamkorlikda AQShning "Milliy Fan Jamg'armasi" ga 2017 - 2019 yillarda O'zbekiston va AQSh iqtidorli talabalari uchun yozgi ta'til paytida matematika fani bo'yicha yozgi lager tashkil qilish bo'yicha yirik loyiha taqdim qilindi. Shuningdek, 2017 yil 8-12 avgust kunlari "AQSh-O'zbekiston olimlarining 2-chi xalqaro konferensiyasi" ni universitetda o'tkazish bo'yicha ishlar boshlab yuborildi.

Shuningdek 2016 yilning o'zida universitetimizda 8 nafar fan olimpiadasi g'oliblari, 1 nafar Prezident stipendiyasi sovrindori, 4 nafar nomdor davlat stipendiyasi g'oliblari yetishib chiqdi.
Farg'ona shahrida bo'lib o'tgan "Universiada-2016" sport musobaqalarining final bosqichida qatnashgan talaba-yoshlarimizning 2 nafari oltin, 8 nafari kumush, 20 nafari bronza medallarini qo'lga kiritgan bo'lsalar, Braziliyaning Rio-de-Janeyro shahrida bo'lib o'tgan yozgi Olimpiya va paralimpiya o'yinlarida 5 nafar talaba-yoshlarimiz ishtirok etib, ulardan 3 nafari bronza medali sohiblari bo'ldilar.

Takliflarimiz:

1.Bugungi kunda Urganch tumani Yuqori - Do'rman qishlog'i hududida joylashgan Urganch davlat universitetiga qarashli o'quv tajriba xo'jaligining 16 ga ekin maydonida ya'ni 7 gektar qismida paxta, 4 gektar qismida intensiv bog'dorchilik va ko'chatchilik, 2,4 gektar qismida mahalliy bog'dorchilik, 2,6 gektar qismida sabzavot va poliz mahsulotlari yetishtirish bo'yicha ilmiy tadqiqot ishlari olib borilmoqda. Uzoq yillar mobaynida yerni almashtirmay paxta yetishtirilib kelinayotgan 7 gektar maydonni qovunchilikga asoslangan tajriba maydoniga aylantirilsa qovunchilik bo'yicha to'laqonli ilmiy tadqiqot ishlarini olib borishga imkoniyat yaratilgan bo'lar edi. Shuningdek, Indigo ferro o'simligini mahalliylashtirish bo'yicha olimlarimiz yuqori natijaga erishdilar. Undan olinadigan tabiiy bo'yoq eksportbob mahsulot hisoblanadi. Ushbu o'simlikni o'stirib, undan bo'yoq olish texnologiyasini yaratar edik.

2. Xorazm buyuk matematik olim Al-Xorazmiy Yurti bo'lganligi hamda matematika sohasida yuqori darajadagi ilmiy potensial shakllanganligi xususan, 1 nafar akademik, 6 nafar fan doktori faoliyat ko'rsatayotganligini inobatga olib " Matematika ilmiy markazi"ni tashkil qilinishiga amaliy yordam berishingizni so'raymiz.

3. 2017 yil 8-12 avgustda bo'lib o'tadigan AQSh-O'zbekiston matematiklarining 2-xalqaro konferensiyasi bo'lib o'tadi. Konferensiya davomida AQSh va O'zbekiston madaniyati kunlari doirasida Xorazm qalalari va Xivaga sayoxat hamda Xorazm sanatini namoyish etish kabi madaniy tadbirlar rejalashtirilgan. Shu tadbirlarni amalga oshirishda Viloyat xokimligi amaliy yordam bersa maqsadga muvofiq bo'lar edi.

E'tiboringiz uchun raxmat!

Assalomu alaykum hurmatli mehmonlar, hamkasblar, aziz talabalar.
Men eng avvalo barchangizni eng ulug’, eng aziz ayyom - Mustaqillik bayrami bilan muborakbod qilaman. Mana kecha yurtimizda Mustaqilligimizning 24 yilligi katta shodiyonalar bilan nishonlandi. Bunday shukuhli kunlarda kim bilan suhbatlashsangiz, erishilgan ulkan yutuqlar, yurtimiz hayotidagi o’zgarishlar, bunyodkorliklar haqida faxr va iftixor bilan so’zlaydi.
       Haqiqatan xalqimiz asrlar davomida intilib yashagan va kurashgan mustaqilligimizning qadr-qimmatini anglab etish har birimizning muqaddas burchimizdir. Chunki istiqlol osonlik bilan qo’lga kiritilgani yo’q. Uning zamirida qanchadan qancha yo’qotishlar, minglab ota-bobolarimizning achchiq qismati yotibdi.  Shuning uchun ham erishgan yutuqlarimizni mustahkamlash, biz kecha kim edigu, bugun kim bo’lganimizni anglash va vatandoshlarimizni yangi marralar sari boshlash oldimizda turgan eng dolzarb vazifalardan biri hisoblanadi.
       Mustaqillikning dastlabki kunlaridanoq “O’zbekiston Respublikasida yoshlarga oid davlat siyosatining asoslari to’g’risida”gi qonunning qabul qiilinishi Prezidentimiz yoshlarimizni ta’lim-tarbiyasiga alohida e’tiborini ko’rsatgan bo’lsa, keyingi yillarda ta’lim tizimining to’la isloh qilinishi,  yangi tipdagi o’quv muassasalarining ochilishi bu e’tiborning amaldagi tasdig’i bo’lib, bularning barchasi zamonaviy bilim va kasb-hunarlarni chuqur egallagan, mustaqil fikrlaydigan, o’z ona yurtiga mehr va sadoqat tuyg’usi bilan yashaydigan, hech kimdan kam bo’lmaydigan, hal qiluvchi kuch bo’lib maydonga chiqa oladigan yangi avlodni tarbiyalash maqsadida amalga oshirildi. Bu ezgu ishlar qatorida faqat so’nggi 5 yilda mamlakatimizda 278 ta bolalar musiqa va san’at  maktabi, 523 ta sport inshootlari va 100 dan ziyod suzish havzalari qurilgani va rekonstruktsiya qilinganini misol keltirishimiz mumkin, xususan so’nggi 3 yil ichida universitetimizda qariyib 37 mlrd so’mlik rekonstruktsiya, yangi bino qurilishi obodonlashtirish ishlari, o’quv-laboratoriya binolari va TTJ binolarining mukammal ta’mirdan chiqarilganini bugun esa zamonaviy uslubda qurilgan yangi oshxonaning ishga tushurilganini aytish lozim.
Shu erda aytish joiz, viloyatimizda 3 ta oliy o’quv yurti bo’lib, davlatimiz rahbariyatining g’amxo’rligi bilan bugun bu dargoxlarning barchasi ko’rkam va muxtasham binolarga, eng zamonaviy jihozlar bilan ta’minlangan moddiy-texnik bazaga ega bo’ldi. Ammo, viloyatimizning  otaxon o’quv dargohi – Urganch davlat universitetiga bo’lgan e’tibor alohida ekanligini qalban xis etyapmiz.

Ayniqsa, viloyatimizda 70 mlrd so’mdan ortiq mablag’ evaziga bunyod etilgan xalqaro miqyosdagi musobaqalarni o’tkazish uchun barcha talablarga javob bera oladigan darajadagi “Yoshlik” sport majmuasining ishga tushurilishi davlatimiz rahbarining yoshlarimizga bo’lgan mehrining bir namunasi deyishimiz mumkin.
Qolaversa, ushbu noyob majmuaning Urganch davlat universiteti ixtiyoriga topshirilishi universitetimiz yoshlariga yana bir tuxfa bo’ldi. Buning uchun Po’lat Razzoqovich Sizga universitetning ko’pming sonli jamoasi nomidan tashakkur bildiramiz!
       Bugun davlatimiz erishayotgan yutuq va marralar dunyo hamjamiyati tomonidan keng e’tirof etilmoqda. Biz barchamiz shu yurt farzandi ekanimizdan faxrlanamiz. Bu va shunday tinch, mustaqil, faravon hayotning qadriga etib yashashni burch deb bilamiz.
        Mustaqillik bayrami bilan birga bugun respublikamizning barcha hududlarida yana bir katta shodiyona – bilimlar kuni nishonlanmoqda. 2015-2016 yangi o’quv yilida universitetimizga jami 1808 nafar abiturent talabalikka tavsiya  qilindi. Men talabalik baxtiga muyassar bo’lgan barcha yoshlarimizni bu muvaffaqiyatlari bilan tabriklayman. Sizlar istiqlol farzandlari – eng baxtli yoshlarsiz. Bugun barchangiz oliygoh talabasi bo’lishingiz bilan zimmangizga yanada kuchli mas’uliyat yukladingiz. Sizlar to’rt yil davomida o’zingiz tanlagan yo’nalish bo’yicha universitetimizda yaratilgan sharoitlardan to’la foydalanib, mustahkam bilim egallaysiz, kelajakda yurtimiz ravnaqiga hissa qo’sha oladigan barkamol mutaxassisbo’lib etishasiz va mustaqilligimizni mustahkamlashdek muqaddas ishimizga bor kuch-g’ayratingizni safarbar etasiz deb umid bildiraman.
Barchamizga shunday go’zal yurtda, shunday yorug’, tinch va musaffo osmon ostida yashash nasib etganiga shukronalar aytaman.
Men yana bir bora barchangizni qo’shaloq bayram bilan tabriklayman.  
Mustaqilligimizni 24 yilligi nishonlanayotgan kunlarda “Bilimlar kuni”ga bag’ishlangan tadbirni ochiq deb e’lon qilaman.  


O'quv ishlari bo'yicha prorektor

Xujaniyazov Sardor Umarovich

Email:
sardor_urdu@edu.uz
Telefoni:
8-362-224-6620
Qabul qilish kuni: Seshanba, 15:00-18:00, Juma, 15:00-18:00
2009-yildan beri o`quv ishlari bo`yicha prorektor. Pedagogika fanlari nomzodi, dotsent. Urganch shahrida tug`ilgan. 1991-yilda Xorazm davlat pedagogika institutining Rus filologiyasi fakultetini tugatgan. 1999-yilda Urganch davlat universitetining iqtisod fakultetinini ikkinchi mutaxassislik bo`yicha tugatgan. 2001-yilda Toshkent davlat pedagogika universitetida “Pedagogika nazariyasi va tarixi” ixtisosligi bo`yicha nomzodlik dissertatsiyasini himoya qilgan. 2009-yilda dotsent ilmiy unvonini olgan.

Ilmiy ishlar bo'yicha prorektor

Abdullaev Ikram Iskandarovich

Email:
ikram_urdu@edu.uz
Telefoni:
8-362-224-6621
Qabul qilish kuni: Chorshanba, 15:00-18:00, Shanba, 15:00-18:00
Abdullaev I.I. 1984-91 yillar davomida Toshkent davlat universiteti (hozirgi UzMU) biologiya tuproqshunoslik fakultetida tahsil olgan. 1993 yildan Al-Xorazmiy nomli Urganch davlat universiteti qoshidagi “Ekologik markaz”da kichik ilmiy xodim, ushbu universitetda assistent o’qituvchi, ilmiy ishlar bo’yicha dekan muovini, “Umumiy biologiya” kafedrasi dotsenti hamda o’quv ishlar bo’yicha dekan muovini, 2008-2012 yillarda tabiatshunoslik fakultet dekani lavozimida ishlab keldi. 2012 yildan ilmiy ishlar prorektori lavozimida ishlab kelmoqda. I.I.Abdullaev 2002 yilda O’zRFA Zoologiya instituti ixtisoslashgan kengashida «Xorazm vohasi termitlarining bioekologik xususiyatlari va ular zararining oldini olish chora tadbirlari» mavzusidagi nomzodlik dissertatsiyasini muvaffaqiyatli ximoya qildi. Abdullaev I.I. o’zining ish faoliyatida ikkita prezident stipendiyati, to’rtta nomdor davlat stipendiati, uchta respublika fan olimpiada g’olibi ( I o’rin) va boshqa tanlovlarda talabalarni tayyorlashda rahbarlik qilib kelmoqda. Bir nechta davlat va xalqaro grant rahbari va ishtirokchisi. 2004 yilda ARS/USDA loyihasi doirasida AQSH ning Yangi Orlean shahrida, 2005 yilda ITEC dasturi asosida Xindistonning Xaydarobod shaxridagi “qishlog’ni rivojlantirish xalqaro instituti”da (NIRD), 2008 yilda SCOPES loyihasida Shvetsariyaning CABI institutida, shu yili “ISTE’DOD” fondi orqali Malayziyaning Mara texnologiyalar universitetida, 2011-2012 yillarda TEMPUS CIBELES loyihasi doirasida Tojikiston, Gruziya, Qozog’iston, Germaniya davlatlarida 2012 yilda TEMPUS CANDI loyihasida Avstriya davlatlarida, 2013 yilda ERASMUS MUNDUS loyihasi g’olibi sifatida Chexiyaning Masarik universitetida xalqaro konferentsiyalarida malaka oshirib keldi. O’zbekiston mustaqilligiga 20 yil ko’krak nishoni bilan taqdirlangan. I. Abdullaev o’zining ish faoliyatida 1 ta patent egasi. 80 ga yaqin maqola va 4 ta uslubiy qo’llanmalar va 2 ta qo’llanma muallifi.

Mavzu:Bosh qomusimizni e’tirof etishda O’zbekiston Adolat SDP Xorazm viloyati kengashining o’rni.

Assalomu alaykum hurmatli ustozlar va deputatlar, partiya faollari, hamda aziz talabalar.
Ma`lumki, O`zbekiston Respublikasining yangi Konstitutsiyasini ishlab chiqish g’oyasi Oliy Kengashning 1990 yil 20 iyunda bo’lib o’tgan 2- sessiyasida ilgari surilgan.
Sessiyada Prezident I.A.Karimov raisligida 64 kishidan iborat Konstitutsiya loyihasini tayyorlash bo’yicha komissiya tuzish to’g’risida qaror qabul qilindi.
1992 yil bahorida Konstitutsiya loyihasining 149 ta moddadan iborat yangi varianti ishlandi va u 1992 yil 26 sentabrda umumxalq muhokamasi uchun matbuotda e’lon qilindi.
Qariyb ikki oy davom etgan umumxalq muhokamasidan so’ng bildirilgan taklif va mulohazalar umumlashtirildi va loyiha ushbu taklif va mulohazalar asosida qayta tuzatilib, 1992 yil 21 noyabrda muhokamani davom ettirish uchun 2-marotaba matbuotda e’lon qilindi.
1992 yil 8 dekabrda 12- chaqiriq O’zbekiston Respublikasi Oliy Kengashining to’qqizinchi sessiyasida 6 bo’lim, 26 bob, 128 moddadan iborat O’zbekiston Respublikasi Konstitutsiyasi qabul qilindi.
Prezident I.Karimovning “O’zbekiston Respublikasining Konstitutsiyasini o’rganishni tashkil etish to’g’risida”gi farmoyishiga asosan Konstitutsiyaning jamiyatdagi o’rni va ahamiyatini o’rganish, yosh avlodning huquqiy ongi, tafakkuri va madaniyatini yuksaltirish, uning mazmun-mohiyatini targ’ib qilish vazifasi yuklatildi.
Prezidentimizning Asosiy Qonunni ”...bolalar bog’chasidan boshlab o’rganishni, maktablarda darslik tariqasida o’qitishni, oliy o’quv yurtlarida maxsus bir dars sifatida o’rganishni barcha mutasaddi rahbar va tashkilotlarga topshiriq tariqasidagi...” ko’rsatmasi butun Respublikada Mustaqillik Konstitutsiyasini tashviqot va targ’ibot qilishning dasturi bo’ldi.
Istiqlol yillari vujudga kelgan siyosiy partiyalar o’z faoliyatida o’zbek xalqining eng yaxshi demokratik an’analariga, adolat, ezgulik, tenglik va inson erkinligi kabi umuminsoniy qadriyatlar hamda g’oyalarga, axloqiy va odamiylik qoidalariga suyanadi.
 Ular o’z faoliyatlarini O’zbekiston Respublikasi Konstitutsiyasiga, “Siyosiy partiyalar to’g’risida” O’zbekiston Respublikasi 1996-yil 26-dekabr qonuniga va boshqa qonun hujjatlariga muvofiq, shuningdek o’z dasturlariga asosan amalga oshiradilar. O’zbekiston Respublikasi Konstitutsiyasining 60-moddasida siyosiy partiyalarning huquqiy maqomi aniq va ravshan belgilab berilgan.
“(60-modda) Siyosiy partiyalar turli tabaqa va guruhlarning siyosiy irodasini ifodalaydilar va o’zlarining demokratik yo’l bilan saylab qo’yilgan vakillari orqali davlat hokimiyatini tuzishda ishtirok etadilar. Siyosiy partiyalar o’z faoliyatlarini moliyaviy ta’minlanish manbalari haqida Oliy Majlisga yoki u vakil qilgan organga belgilangan tartibda oshkora hisobotlar berib turadilar.
 Adolat SDP saylovoldi dasturida ilgari surilgan qonun ustuvorligi, ijtimoiy tenglik, inson manfaatlarining oliy qadriyat ekanligi kabi dasturiy maqsadlar aynan Konstitutsiya tamoyillariga hamohangdir.  Partiya aholining keng qatlamlariga ko’rsatiladigan tibbiy yordam sifatini yanada oshirish, dori vositalarining noqonuniy aylanishi, qalbakilashtirilgan va sifatsiz dori vositalari sotilishining oldini olish, skrining va perinatal markazlari, ayollar tibbiy maslahatxonalari, tug’ruq majmualari faoliyatini doimiy takomillashtirib borishni maqsadi deb biladi.
O’zbekiston “Adolat” sotsial-demokratik partiyasi Xorazm viloyati kengashining bugungi kunda 11 277 nafar a’zosi mavjud. Oliy Majlis qonunchilik palatasiga 1 nafar deputat saylandi. Xalq deputatlari Xorazm viloyati, tuman va shahar Kengashlariga 51 nafar deputatlar saylandi. Deputatlar guruhlari tomonidan sessiyaga bir qancha masalalar kiritildi.
Bosh komusimizni e’tirof etishda O’zbekiston «Adolat» sotsial-demokratik partiyasi Xorazm viloyat Kengashining o’ziga xos o’rni bor.
Partiyamizning deputatlar guruhi, xotin kizlar bilan ishlash bo’limi, yoshlar qanoti, umuman partiya faollari konstituttsiyamizning har bir bo’lim, bob va moddalarini mazmun-mohiyatini targ’ib qilish maqsadida xuquqshunos, pedagog va olimlardan iborat mutaxassislar bilan davra suhbatlari, seminarlar va tadbirlar o’tkazib kelmokdalar.
Konstitutsiyamizning X bobi «Inson xuquqlari va erkinliklarining kafolatlari» 46- moddasida ko’rsatilgan  «Xotin qizlar va erkaklar teng xuquqliligi» partiyamizda o’z ifodasini topgan. Ushbu bo’limning 45 moddasida «Voyaga etmaganlar, mexnatga layokatsizlar va yolg’iz keksalarning xuquqlari davlat himoyasidadir» deb ko’rsatilgan. Partiyamiz xam bu borada viloyatdagi mehnatga layoqatsiz va yolhiz keksalarning uylariga borib ham ma’naviy ham moddiy yordamlarni ko’rsatib kelmoqdalar.
Shuningdek XI bob “Fuqoralarning burchlari” ning barcha moddalari xukuk bilan burchlar chambarchas boglikligi tugrisida xam seminarlar tashkil etildi.
Xurmatli seminar ishtirokchilari men so’zimni yakunlar ekanman fursatdan foydalanib, sizlarni konstituttsiyamizning 23 yillik bayrami bilan tabriklayman va sizlarga oilaviy baxt saodat ishlaringizga muvaffaqiyat tilayman.

Abdullaev I.I. O’zbekiston “Adolat” SDP Xorazm viloyati kengashi raisi, UrDU ilmiy ishlar prorektori.


Ma'naviyat va ma'rifat ishlari bo'yicha prorektor

Davletov Sanjarbek Rajabovich

Email:
pr-mm-urdu@umail.uz; sanjar_urdu@edu.uz
Telefoni:
8-362-224-6668
Qabul qilish kuni: Dushanba, 15:00-18:00, Payshanba, 15:00-18:00
2009 yildan Urganch davlat universiteti ma’naviyat va ma’rifat ishlari bo`yicha prorektori. S. Davletov 1977 yilda Horazm viloyati Yangiariq tumanida tug'ilgan, o'zbek, ma’lumoti oliy. 1999 yilda Urganch davlat universitetini tarix mutaxassisligi bo`yicha “imtiyozli” diplom bilan tugatgan. 1998 yilda Ijtimoiy-gumanitar fanlar bo`yicha O`zbekiston Respublikasi Prezidenti Davlat stipendiyasi sovrindori bo`lgan. Tarix fanlari nomzodi, dotsent, MBA magistri. 2013 yilda O`zbekiston Respublikasi Vazirlar Mahkamasi huzuridagi Oliy Biznes maktabini tugatgan. 2001-2002 yillarda O`zbekiston Davlat jahon tillari universitetining “Ma’naviyat va ma’rifat markazi” boshlig`i lavozimida ishlagan. 2003 yilda O`zbekiston Respublikasi Fanlar akademiyasi Hay’ati Fundamental ilmiy tadqiqotlar tashkiliy-tahliliy bo`limining etakchi noziri, 2004 yilda Horazm Ma’mun akademiyasi raisining ilmiy ishlari bo`yicha muovini vazifasida ishlagan.2005-2006 yillarda «Tarix» kafedrasi mudiri, 2006-2009 yillarda Tarix fakulteti dekani vazifasida ishlagan. 2009 yil fevraldan boshlab hozirgacha ma’naviyat va ma’rifat ishlari bo`yicha prorektor lavozimida ishlab kelmoqda. S. Davletov 110 dan ortiq ilmiy maqola va tezislar, 4 ta o`quv-uslubiy qo`llanma muallifidir.

UrDU Ma’naviyat va ma’rifat ishlari bo’yicha prorektori  S.R.Davletovning 2015 yil 25 noyabr kuni universitetda o’tkazilgan ilmiy anjuman yalpi yig’ilishidagi ma’ruzasi

 

Bugun tez sur’atlar bilan o’zgarib borayotgan, insoniyat hozirga qadar boshidan kechirgan davrlardan tubdan farq qiladigan shiddatli va ayni paytda o’ta murakkab zamonda yashamoqdamiz. Bugungi kunda jahonda yuz berayotgan globallashuv jarayonining ayrim jihatlari milliy o’ziga xoslik, axloq, urf-odat, an’ana va qadriyatlarning rivojlanishiga salbiy ta’sir ko’rsatib, ma’naviy barqarorlikka jiddiy xavf tug’dirmoqda.
Zero, ma’naviyatga qarshi qaratilgan har qanday tahdid o’z-o’zidan mamlakat xavfsizligi, uning milliy manfaatlarini, sog’lom va barkamol avlod kelajagini ta’minlash yo’lida jiddiy xatarlardan biriga aylanishi mumkin. Bu esa ta’lim-tarbiya jarayonlarini tashkil etishni tizimli yondashuv asosida, ta’sirchan usul va vositalar orqali amalga oshirishni taqozo etadi.
  O’zbekiston Respublikasi Prezidenti Islom Karimov “Yuksak ma’naviyat – engilmas kuch” kitobida ma’naviy tahdidlar xususida so’z yuritib, “Ma’naviy tahdid deganda, avvalo, tili, dini, e’tiqodidan qat’i nazar, har qaysi odamning tom ma’nodagi erkin inson bo’lib yashashiga qarshi qaratilgan, uning aynan ruhiy dunyosini izdan chiqarish maqsadini ko’zda tutadigan mafkuraviy, g’oyaviy va informatsion xurujlarni nazarda tutish lozim...” deya ta’kidlagani bejiz emas.
Darhaqiqat, bugungi murakkab zamonda mamlakatimiz yoshlari ongi va qalbiga yuqoridagi ko’rinishdagi xurujlar va ma’naviy taxdidlar aksariyat hollarda axborot oqimi orqali singdirishga g’araz maqsadli toifalar tomonidan harakat qilinmoqda. Ulardan ko’zlangan maqsad - mamlakatning barqaror rivojlanishiga shubha uyg’otish; jamiyatdagi mavjud sog’lom e’tiqodni izdan chiqarish; respublikamizni yon-atrofdagi etnik mojarolarga tortish; jamiyatda milliy madaniyatni inkor etish ruhini tarkib toptirish va boshqalardan iborat bo’lib, asosan, insonning ruhiy-ma’naviy qarashlarini izdan chiqarish maqsadida ommaviy axborot vositalari, adabiyot, san’at, kino va boshqalar orqali tarqatilmoqda.
Yuqoridagi ma’naviy hurujlarga qarshi turishda Yurtboshimiz Islom Karimov “Yuksak ma’naviyat engilmas kuch” asarida ta’kidlaganidek, quyidagi omillar yoshlar tarbiyasida muhim ahamiyatga ega:

  • Har qaysi inson o’zligini anglashi.
  • Qadimgi tarix, boy madaniyat va ajdodlar merosini chuqur o’rganish.
  • Tez o’zgarayotgan hayot voqeyligiga ongli qarash.
  • Mustaqil fikrlash.
  • Barcha o’zgarishlarga dahldorlik tuyg’usi bilan yashash.

Shunday ekan, yoshlar bilan olib borilayotgan ta’lim-tarbiyaviy jarayonlarda bugungi va kelajak avlodni har qanday tahdidlardan himoya qilishning zamonaviy usullarini qo’llash masuliyatli vazifaga aylangan. To’g’ri, bu borada joylarda ma’naviy tahdidlarni oldini olishga qaratilgan  ko’p tadbirlar, targ’ibot-tashviqot ishlari olib bormoqda. Ammo, bunda jarayon uchun emas natija uchun ishlashga jiddiy e’tibor qaratish lozimligi ta’kidlash joiz.
Yoshlar bilan olib boriladigan ma’naviy-ma’rifiy va tarbiyaviy ishlar asosan, ularning mafkuraviy immunitetini mustahkamlashga yo’naltirilgan bo’lib, bu borada yoshlar yot g’oyalarning “yoqimliligi”, “mehribonligi”, “holisligi”, “betarafligi”, “do’stonaligi” ortida nimalar yotganini anglay bilishlari lozim.
Zero, “Ommaviy madaniyat” – odamlarni maishiy iste’molchiga (faqat huzur halovat, boylikka intilib yashash) aylantirish; tashqi go’zallikka haddan tashqari berilish; buyumparastlik, boqimandalik omad chopishiga qaramlik; turmush tarzidagi afzallik va ne’matlardan ongsiz ravishda foydalanish, ularni ma’naviy qadriyat sifatida to’la anglay bilmaslikda namoyon bo’ladi. Ularga qarshi olib boriladigan ta’lim-tarbiyaviy jarayonlar esa yoshlarimizni o’zini-o’zi takomillashtirishiga intilishga, ilm olishga, ya’ni shunchaki “axborot” darajasidagi bilimga emas, “anglash” darajasidagi bilimga ega bo’lishga, yoshlarimiz kasb-hunar egallab, o’z kelajagini tanlash va yaratishga, o’zini-o’zi anglashning yangi bosqichi ko’tarilishiga, ulardagi tuyg’ular etakchiligini asta-sekin bosib, namunali va hayotiy tajribaga ega kattalar orasida ibrat qidira boshlashiga undashi lozim.


Moliya va iqtisodiyot ishlari bo`yicha prorektor

Atajanov Alisher Omonboyevich

Email:
alisher_urdu@edu.uz
Telefoni:
(8362) 224-66-88
Qabul qilish kuni:Shanba, 14:00-16:00
Atajanоv Alishеr Оmanbayеvich Urganch Davlat univеrsitеtida mоliya va iqtisоdiyot ishlari bo’yicha prоrеktоr lavоzimida ishlaydi.
Atajanоv Alishеr Оmanbayеvich 1969 yil 7 aprеlda Хоrazm vilоyati Shоvоt tumani Qiyot qishlоg’ida tug’ilgan, millati o’zbеk, ma’lumоti оliy, 1993 yilda Tоshkеnt mоliya institutinini kunduzgi bo’limi хisоb - iqtisоdiyot fakultеtini tamоmlagan, 1993-2004 yillarda Urganch Davlat sоliq inspеksiyasida Yuridik shaхslarni sоliqqa tоrtish bo’limi, Valyuta, ekspоrt va impоrt оpеratsiyalarini nazоrat qilish bo’limida, davlat sоliq inspеktоri, bоsh davlat sоliq inspеktоri va bo’lim bоshlig’i lavоzimlarida ishlagan.
Хalqarо buхgaltеrlar asatsatsiyasi (SIPA) malakali sеrtifikati va auditоrlik sеtifikatlariga ega.
Atajanоv Alishеr Оmanbayеvich Urganch Davlat univеrsitеtida 2008-2009 yillarda bоsh hisоbchi o’rinbоsari auditоr lavоzimida, 2010 yildan mоliya va iqtisоdiyot ishlari bo’yicha prоrеktоr lavоzimida ishlab kеlmоqda.

UrDU akademik litseylari va kasb-hunar kollejlari bilan ishlash bo`yicha prorektor.

Xudayberganov Aniyoz Niyazmetovich

Email:
aniyoz_urdu@edu.uz
Telefoni:
(8362) 224-66-67
Qabul qilish kuni:Juma , 14:00-16:00
2012 yil 2 sentyabrdan: Urganch davlat universiteti Pedagogika fakulteti dekan vazifasini bajaruvchi - Tug`ilgan yili : 01.05.1969 y. - Tug`ilgan joyi: Xorazm viloyati, Xiva tumani - Millati: O`zbek - Partiyaviyligi: Yo`q - Ma`lumoti: Oliy - Tamomlagan: 1993 yil, Xorazm davlat pedagogika instituti (kunduzgi) - Ma`lumoti bo`yicha mutaxassisligi: Umumtexnika fanlari va mexnat ta`limi o`qituvchisi - Ilmiy darajasi: Pedagogika fanlari nomzodi - Ilmiy unvoni: Yo`q - Qaysi chet tillarini biladi: Rus tili, nemis tili. M E X N A T F O A L I Y A T I 1986-1987 yy. - Xorazm davlat pedagogika instituti talabasi 1987-1989 yy. - Harbiy xizmatda 1989-1993 yy. - Xorazm davlat pedagogika instituti talabasi 1993-1994 yy. - Urganch davlat universiteti «Ishlab chiqarish asoslari» kafedrasi 1994-2006 yy. - Urganch davlat universiteti «Ishlab chiqarish asoslari» kafedrasi o`qituvchisi 2006-2009 yy. - Urganch davlat universiteti pedagogika fakulteti dekan muovini (o`quv ishlari bo`yicha) 2009-2009 yy. - Urganch davlat universiteti «Ishlab chiqarish asoslari» kafedrasi katta o`qituvchisi 2009-2009 yy. - Urganch davlat universiteti qoshidagi kadrlar malakasini oshirish va qayta tayyorlash ta’lim markazi direktori 2009-2011 yy. - Urganch davlat universiteti san’at fakulteti dekan muovini (o`quv ishlari bo`yicha) 2011-2012 yy.

2015@ URDU | All rights are reserved.| Department of IT