Urganch Davlat Universiteti

Abu Rayhon Beruniy nomidagi Urganch davlat universiteti

Ishonch
telefon raqami
Dars
jadvali
Imtihon video
kuzatuvi
Rektor virtual
qabulxonasi
Zaxira
nomzod
Yashil
Universitet

Oliy va o‘rta maxsus ta’lim vaziri maslahatchisi Odina Jamoldinova UrDU Filologiya fakultetida bo'ldi

Xabaringiz bor, joriy yil 14-15 aprel kunlari Urganch davlat universiteti xotin - qizlarning ijtimoiy - siyosiy faolligini oshirish bo'yicha respublika o'quv-seminariga mezbonlik qildi. Unda respublikaning 150 dan ortiq OTM Xotin-qizlar maslahat kengashi raislari qatnashdilar.

Mazkur o'quv-seminar tashkilotchisi va moderatori, Oliy va o‘rta maxsus ta’lim vaziri maslahatchisi Odina Jamoldinova tashrif doirasida Filologiya fakultetida boʻlib, to'g'ridan-to'g'ri dars jarayonlarini kuzatish bilan bir qatorda, talabalar bilan suhbatda bo'ldi.

Suhbat jarayonida tilimizga bo'lgan e'tibor, zamonaviy tilshunoslik muammolari, o'zbek tilining milliy korpusini yaratish, "korpus" tushunchasi, "Milliy til korpusi" borasida amalga oshirilayotgan ilmiy ishlar, mazkur muammo yuzasidan qanday tadqiqotlar olib borish lozimligi yuzasidan fikr-mulohazalar almashildi. Talabalar tomonidan tahliliy dalillar asosida bildirilayotgan fikrlardan mamnunligini ta'kidlab, o'z takliflarini ham berib o'tdi.

Shundan soʻng, "Fakultet tarixi muzeyi"ni kuzatdi. Fakultet dekani, f.f.d. D.G'ayipov, "O'zbek tilshunosligi" kafedrasi mudiri, dots. A.Primov, "O'zbek tili va adabiyoti" kafedrasi mudiri, dots. S.Matkarimovalar tomonidan fakultetda olib borilayotgan ilmiy-tadqiqot ishlari, talabalar tomonidan erishilayotgan yutuqlar, o'tkàzilayotgan respublika ilmiy-amaliy anjuman haqida ma'lumotlar berib o'tildi va anjuman materiallari to'plamlari esdalik sifatida topshirildi.

Fakultetga tashrif yakunida esdaliklar kitobiga o'z tilak va istaklarini yozib qoldirdi.

urdu.uz, Oliy va o‘rta maxsus ta’lim vaziri maslahatchisi Odina Jamoldinova UrDU Filologiya fakultetida bo'ldi

Ulashish

Yangiliklar