Close
Skip to main content

UrDU vakillari “InnoWeek–2026” xalqaro haftaligida yuksak natijalarga erişdilar

Joriy yilning 27–29-oktabr kunlari Toşkent şahridagi CAEx majmuasida ötkazilgan “InnoWeek–2026” xalqaro innovatsion ğoyalar haftaligi doirasida Abu Rayhon Beruniy nomidagi Urganç davlat universiteti vakillarining ilmiy-innovatsion faoliyatdagi yutuqlari munosib e’tirof etildi.

Jumladan, universitetning Xalqaro loyihalar va reytinglar bilan işlaş bölimi boşliği, PhD, dotsent Nosir Matyakubov “EcoNOx Plasma Reactor” innovatsion işlanmasi bilan respublika ixtiroçilik va ratsionalizatorlik körik-tanlovida 1-örinni egallab, 132 million söm pul mukofoti bilan taqdirlandi. Şuningdek, Yengil sanoat texnologiyalari va jihozlari kafedrasi öqituvçisi Axmadjon Komilov esa “Çoyşablar uçun yangi tuzilişga ega bölgan mato” işlanmasi bilan respublika tanlovida 1-örinni qölga kiritib, 66 million söm pul mukofotiga sazovor böldi.

Şuningdek, Iqtisodiyot fakulteti dekani, professor Ilyos Abdullayev ilmiy naşriyot faoliyatidagi yutuqlari uçun ijtimoiy soha yönalişida, Iqtisodiyot fakulteti öqituvçisi Feruz Qalandarov energetika fan sohasi böyiça “Yilning yetakçi muallifi” nominatsiyasi ğolibi böldi.

Bundan taşqari, Urganç davlat universiteti mazkur xalqaro haftalikni taşkil etiş va yuqori saviyada ötkazişga qöşgan munosib hissasi hamda faol iştiroki uçun Innovatsion rivojlaniş agentligining Taşakkurnomasi bilan taqdirlandi.

Universitet ma’muriyati mazkur haftalikda faol iştirok etib, universitetning ilmiy salohiyati va nufuzini oşirişga hissa qöşgan barça vakillarga çuqur minnatdorlik bildiradi hamda kelgusidagi faoliyatlarida yangi muvaffaqiyatlar tilaydi.











Yangiliklar