Close
lang lang lang Ishonch telefon raqamlari (62) 224-66-80, (62) 227 76 00

  • Ishonch
    telefon raqami

  • Dars
    jadvali

  • Imtihon video
    kuzatuvi

  • Rektor virtual
    qabulxonasi

  • Zaxira
    nomzod

  • Yashil
    Universitet

Biz haqimizda Xodimlar Yangiliklar Ilmiy ishlar To'garaklar

Ma’lumotlar uzatish tarmoqlari va tizimlari kafedrasi tarixi

Ma’lumotlar uzatish tarmoqlari va tizimlari kafedrasi 2025-yilning sentyabr oyida Urganch Davlat Universiteti Telekommunikatsiya texnologiyalari fakulteti tarkibida tashkil etilgan. Kafedra mudiri vazifasiga t.f.f.d., PhD, dotsent Matyokubov O‘tkir Karimovich tayinlangan. Kafedra faoliyatining dastlabki davrini 15 nafar malakali professor-o‘qituvchilar bilan boshladi, shundan 3 nafar professor-o‘qituvchi ilmiy daraja va unvonga ega. Shu bilan birgalikda kafedra professor-o‘qituvchilarining 3 nafari (Yuldashov Davronbek Rustam o‘g‘li, Atajonov Furqat Ikromboy o‘g‘li, Matqurbanov To‘lqin Alimboyevich) TOP-500 universitetlar qatoriga kiruvchi Novosibirsk Davlat Texnika Universitetida magistratura va aspiranturani tugatgan bo‘lsa yana 1 nafar professor-o‘qituvchi (Palvanov Shuhrat G'ayrat o‘g‘li) TOP-500 universitetlar qatoriga kiruvchi Klagenfurt universitetini tugatgan.
Kafedra professor-o‘qituvchilarining 1 nafari “Oliy ta’lim a’lochisi” ko‘krak nishoni bilan taqdirlangan bo‘lsa, 2 nafari oliy ta’lim, fan va innovatsiyalar vazirligining tashakkurnomasi bilan taqdirlangan.  5 nafar professor-o‘qituvchi IELTS xorijiy til bilish sertifikatiga ega va xorijiy tilda dars mashg’ulotlarini olib borishadi.

Hozirda kafedramizda quyidagi bakalavr va magistrlar tayyorlanib kelinmoqda
Bakalavr:
•        60611400-Pochta aloqasi texnologiyasi
•        60611300-Axborot-kommunikatsiya texnologiyalari sohasida kasb ta'limi
•        60320400-Kutubxona axborot faoliyati
Magistr:
•        70610606 – Fotonika va optik aloqa

Xalaqaro grandlar, xorijiy oliygohlarda malaka oshirish

Kafedra INMACOM (O‘zbekistonda telekommunikatsiya mehnat bozori talablarini qondirish uchun fotonika va optik aloqa yo‘nalishida magistrlar tayyorlash dasturi) dasturi a’zosi hisoblanadi. Ushbu dastur asosida 70610606 – Fotonika va optik aloqa yo‘nalishida magistratura mutaxassisligi ochilib mutaxassislar tayyorlab kelinmoqda. Kafedra a’zolari xorijiy ta’lim grantlari asosida ilmiy izlanishlar olib bordilar, nufuzli oliygohlarda malakalarini oshirganlar.
 Xususan, 2021 yildan buyon turli xorijiy grantlar doirasida O‘.K.Matyokubov, Sh.H.Ismoilovlar Italiya, Belgiya, Rossiya, Hindiston, Xitoy, Janubiy Koreya davlatlarida va nufuzli oliygoh va markazlarda axborot- kommunikatsion texnologiyalari bo‘yicha malakalarini oshirib keldilar va ta’lim jarayoniga tadbiq qildilar. Shu bilan birgalikda professor-o‘qituvchilarning 1 nafari Avstriyada va 3 nafari Rossiyaning nufuzli universitetlari ta’lim dasturlari asosida malakasini oshirishgan.

Kafedra professor-o‘qituvchilari tomonidan tayyorlangan darslik, adabiyot, monografiya va o‘quv qo‘llanmalar

Darslik: Radiotexnik qurilmalarining ishonchliligi (O‘.K.Matyokubov), ….
Monografiya: Mobil aloqa tizimlari ishonchliligini baholash model va algoritmlari (O‘.K.Matyokubov), ….
O‘quv qo‘llanma: Infokommunikatsiya tizimlari elektr ta’minoti (O‘.K.Matyokubov), ….
O'quv qo'llanma: Elektronika va sxemalar (V.A.Kuchkarov) 

Darslik: “Latex ga kirish” (M.R.Allaberganova), …..
Darslik: “Ijodiy ta’lim”  (U.A.Madaminov), (M.R.Allaberganova)
O‘quv qo’llanma: “Latex ga kirish” (M.R.Allaberganova)
O‘quv qo’llanma:: “O’quv reja, baho va baholash” (M.R.Allaberganova), …
O‘quv qo’llanma:: “Ta’lim nazariyasi” (M.R.Allaberganova), …
O‘quv qo’llanma:: “Teaching teory” (M.R.Allaberganova), …
O‘quv qo’llanma:: “Теория обучения” (M.R.Allaberganova), ….
Monografiya: “Дастурий қобиқ яратиш ва таълимда фойдаланиш методикаси” (M.R.Allaberganova).

Kafedrada bajarilgan ilmiy-tadqiqot ishlari va dissertatsiyalar
Kaferdada hozirga qadar bir qancha kafedra professor-o‘qituvchilari nomzodlik PhD, dissertatsiyalarini himoya qilishdi. 2021-yil kafedra mudiri Matyokubov O‘tkir Karimovich Toshkent axborot texnologiyalari universitetida 05.04.02 – Radiotexnika, radionavigatsiya, radiolokatsiya va televideniye tizimlari va qurilmalari. Mobil, tola-optik aloqa tizimlari ixtisosligi bo‘yicha “Mobil aloqa tizimlari ishonchliligini baholash model va algoritmlarini ishlab chiqish” mavzusida texnika fanlari bo‘yicha falsafa doktori (PhD) dissertatsiyasini himoya qilgan. 2024-yilda kafedra dotsenti Madaminov Uktamjon Ataxanovich 13.00.06 - “Raqamli ta’lim nazariyasi va metodikasi” (pedagogika fanlari) ixtisosligi bo‘yicha “Elektron ta’lim muhitida fanlarni mobil ilovalar yaratish asosida o‘qitish metodikasini takomillashtirish (“Wyeb dasturlashga kirish” fani misolida)” mavzusidagi pedagogika fanlari bo‘yicha falsafa doktori (PhD) darajasini olish uchun dissertatsiya himoyasini qilgan. Kafedra dotsenti Ismoilov Shukurulloh Habibullo o‘g‘li “Qo‘rg’oshin valframati kristallarida nuqsonlar, radiolyuminessensiya elektron g’alayonlari” mavzusi bo‘yicha dissertatsiya himoyasini o‘tkazib fizika-matematika fanlari bo‘yicha fan nomzodi darajasiga ega bo‘lgan.
Kafedra katta o‘qituvchilari M.Allaberganova pedagogika yo‘nalishida “Raqamli transformatsiya sharoitida bo‘lajak muhandislarning tayanch kompetensiyalarini smart ta’lim platformasi asosida shakllantirish metodikasini takomillashtirish” mavzusida va T.Matkurbanov texnika yo‘nalishida “Katta maydonlarni monitoring ma’lumotlarini yig’ishda Uchuvchisiz uchish apparatlarining effektiv marshrutini qurish” mavzusida ilmiy tadqiqot ishlarini olib bormoqda.
Shu bilan birgalikda quyidagi mavzular doirasida ilmiy tadqiqot ishlari olib borilmoqda.
- Zamonaviy telekommunikatsiya tarmoqlarida marshrutlashning yangi metodlari tahlili;
-Tibbiy tasvirlar asosida qaror qabul qilishga ko‘maklashish tizimlarini ishlab chiqish algoritmlari va dasturiy majmuasi;
- Aloqa tizimlari ishonchliligini baholash uslubiyatlari;
- Optik tolalar va nanofotonik to‘lqin o‘tkazgichlarning ulanish jarayonlarini modellashtirish;
- Virtual qurilmalar texnologiyasini radioelektronika va aloqa tizimlaridagi signallarni sinchkovlik bilan o‘rganish uchun qo‘llash;
- Yuqori quvvatli ko‘p bosqichli mikroto‘lqinli attenuatorni tadqiq qilish va ishlab chiqish;
- Mobil aloqa qurilmalarining hududiy joylashish optimalligini oshirishda geoaxborot texnologiyalaridan foydalanish usullari.