Close

Urganch davlat universiteti Kengashining 4-majlisi bo‘lib o‘tdi

Bugun, 28-noyabr kuni Abu Rayhon Beruniy nomidagi Urganch davlat universiteti Ilmiy kengashining 4-majlisi bo‘lib o‘tdi. Yig‘ilish universitet rektori v.v.b. S.Xodjaniyazov raisligida, Kengash a’zolari ishtirokida tashkil etildi. Dastlab universitetning ilmiy salohiyatini oshirish yo‘lida salmoqli hissa qo‘shgan professor-o‘qituvchilarga ilmiy daraja va unvonlarning diplomlari tantanali ravishda topshirildi.

Shuningdek, O‘zbekiston Respublikasi oliy ta’lim muassasalari talabalari o‘rtasida xorijiy tillar bo‘yicha o‘tkazilgan fan olimpiadasining nemis tili yo‘nalishida faxrli 2-o‘rinni qo‘lga kiritgan Xorijiy filologiya fakulteti talabasi M.Maqsudovaga sertifikati, ustozi dots.G.Abdullayevaga universiteti maʼmuriyatining tashakkurnomasi topshirildi.

Ilmiy kengashning 4-majlisida kun tartibidan o‘rin olgan quyidagi masalalar yuzasidan mas’ullarning axborot hamda hisobotlari tinglandi: 

Markaziy Osiyo mamlakatlari va AQSH yetakchilarining “S5+1” formatidagi Sammiti yakunlari to‘g‘risida (axborot);
Universitetda 2024-2025 o‘quv yili yakunlari va jamoaning yangi o‘quv yilidagi vazifalari to‘g‘risida (hisobot);
Fizika-matematika fakultetida bitiruvchilar va talabalar bandligini ta’minlash bo‘yicha amalga oshirilayotgan ishlar to‘g‘risida (axborot).

Shuningdek, Kengash tomonidan har xil masalalar atroflicha muhokama etildi hamda saylovlar o‘tkazildi.

Ulashish

Yangiliklar