“Yangi daraxt — yangi nafas” eko-chempionatining universitet bosqichi o‘tkazildi

O‘zbekiston Respublikasi Prezidentining “2030-yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida” 2025-yil 15-maydagi 184-sonli qaroriga muvofiq, har yili aholining turli qatlamlari, xususan, talaba-yoshlar va o‘quvchilar o‘rtasida “Yashil makon” umummilliy loyihasi doirasida “Yangi daraxt — yangi nafas” respublika eko-chempionatini tashkil etish belgilangan.

Mazkur topshiriq ijrosini ta’minlash maqsadida Abu Rayhon Beruniy nomidagi Urganch davlat universitetida talabalar o‘rtasida “Yashil makon” umummilliy loyihasi doirasidagi “Yangi daraxt — yangi nafas” respublika eko-chempionatining universitet bosqichi bo‘lib o‘tdi. Unda Tabiiy va qishloq xo'jaligi fanlari fakulteti talaba-yoshlari faol ishtirok etib, oliygoh hududida ko‘chat ekish, atrof-muhitni ko‘kalamzorlashtirish kabi ezgu tashabbuslarga o‘z hissalarini qo‘shishdi.
Tadbir yakunida faol ishtirok etgan talaba-yoshlar esdalik sovg‘alari bilan taqdirlandi.

“Yangi daraxt — yangi nafas” fakultet ekochempionati bo‘lib o‘tdi

Bugun, 13-noyabr Abu Rayhon Beruniy nomidagi Urganch davlat universiteti Tabiiy va qishloq xo‘jaligi fanlari fakultetida “Yashil makon” umummilliy loyihasi doirasida “Yangi daraxt — yangi nafas” Respublika ekochempionatining fakultet bosqichi o‘tkazildi.

Tadbir O‘zbekiston Respublikasi Prezidentining “2030-yilgacha bo‘lgan davrda aholining ekologik madaniyatini yuksaltirish konsepsiyasi” hamda Oliy taʼlim, fan va innovatsiyalar vazirligining 2025-yil 10-noyabrdagi xati ijrosi doirasida tashkil etildi.

Urganch davlat universitetida “Yashil makon” umummilliy loyihasi doirasida hududni ko‘kalamzorlashtirish ishlari olib borilmoqda

Bu loyiha xalqimizni, xususan, yoshlarimizni atrof-muhitni muhofaza qilish, yashil maydonlarni ko‘paytirish va ularni saqlash, ona zaminni asrashga bo‘lgan e’tiborlarini oshiradi.

Atrof-muhitni obodonlashtirish va ko‘kalamzorlashtirish yo‘lida qilingan har qanday ish, eng avvalo, xalq manfaati yo‘lida qilingan savobli ezgu amaldir.

Toza hudud — sog‘lom hayot!

Oʻzbekiston Ekologik partiyasi Xorazm viloyat Kengashi tashabbusi bilan, Viloyat Yoshlar ishlari agentligi hamda Oʻzbekiston Mahallalari uyushmasi Xorazm viloyat boshqarmasi hamkorligida Urganch shahrida “Toza hudud — sogʻlom hayot!” shiori ostida plogging aksiyasi tashkil etildi.

Tadbirda Abu Rayhon Beruniy nomidagi Urganch davlat universiteti Ekologiya va hayot faoliyati xavfsizligi kafedrasi mudirasi S. Babajanova boshchiligida kafedra oʻqituvchilari hamda 221-, 222-, 223-guruh ekologiya yoʻnalishi talabalari faol ishtirok etdi.

Aksiya davomida ishtirokchilar shaharniñ turli hududlarini tozalab, aholi orasida ekologik madaniyatni oshirish borasida targʻibot-tashviqot ishlarini olib bordilar.

Bunday tashabbuslar atrof-muhitni asrash, sogʻlom turmush tarzini targʻib etish va yoshlarning ekologik mas'uliyatini oshirish yoʻlida muhim ahamiyat kasb etadi.

Butunjahon tozalik kuni: yoshlardan amaliy tashabbus